14.12.2023
944
Бөгөн Башҡорт теле көнө айҡанлы Киров районы Хакимиәте хеҙмәткәрҙәре өсөн башҡорт теле дәресе ойошторолдо.
Телдең тарихы, үҙенсәлектәре тураһында дәресте 6-сы Бөтә Рәсәй «Төп һүҙ» конкурсында « Иң яҡшы социаль проект» номинацияһында еңеүсе, башҡорт теле буйынса халыҡ-ара курстар ойоштороусы, башҡорт фольклорын төрөк теленә тәржемә итеүсе Ләлә Сафина үткәрҙе.
Ул башҡорт алфавитының тарихы тураһында һөйләне, телдең мәҙәниәткә, халыҡтың холоҡ-фиғеленә йоғонтоһо тураһында бик ҡыҙыҡлы миҫалдар килтерҙе. Дәрес аҙағында үткән лингвистик-психологик уйын барыһына ла көндәлек эшкә яңы ҡараш менән бағырға ярҙам итте. Ләлә Хафиз ҡыҙы барыһына ла байрам уңайынан үҙенең «Башҡорт теле: яңы ҡараш 2.0» китабын тапшырҙы.
