Боҙ композициялары менән хушлашырға ла ваҡыт етте. Беҙҙең яңы йыл ҡаласығы меңдән ашыу халыҡты ҡыуандырҙы. Бөгөн, 3 февралдә, Орджоникидзе районының төҙөкләндереү буйынса хеҙмәт эшселәре С. Орджоникидзе исемендәге майҙанында «Сәскә атыусы боҙ» боҙ ҡаласығын һүтә башланылар.
– С. Орджоникидзе исемендәге майҙанында боҙ конструкцияларын һүтә башланыҡ: әкренләп улар ватыла башлай, тимәк, хәүеф тыуҙырыуы мөмкин. Майҙан һәр саҡ халыҡтың яратҡан урыны булды һәм был беҙҙе ҡыуандыра, әммә эштәрҙе башҡарған ваҡытта һаҡ булығыҙ. Хеҙмәткәрҙәр уларҙы мөмкин тиклем тиҙерәк тамамларға тырышасаҡ, – тип билдәләне Орджоникидзе районы Хакимиәте башлығы Альберт Маликов.
Майҙанда бөтәһе 13 боҙ һыны ҡуйылғайны. Улар – ете скульптура, ике лабиринт, һырғалаҡ, шыршы ҡоймаһы, башҡорт һәм рус телдәрендә ҡотлау. Уларҙы һүтеү ошо көндәрҙә тамамлана.
Әйткәндәй, быйыл С. Орджоникидзе исемендәге майҙанында «Сәскә атыусы боҙ» боҙ ҡаласығы «Вьюговей» яңы йыл фестивалендә беренсе урын яуланы.
