Йәштәр көнө менән!

Хөрмәтле йәш өфөлөләр!

Һеҙҙе Йәштәр көнө менән ихлас күңелдән ҡотлайым!

Йәшлек - ул сәләмәт оптимизм, мөхәббәт, киләсәккә ышаныс, көс, ҡыйыулыҡ һәм бер аҙ шаянлыҡ.

Заманса йәш кеше - талантлы, маҡсатҡа ынтылышлы, спорт менән шөғөлләнгән, йәмәғәт эштәрендә әүҙем ҡатнашҡан, тыуған ҡалаһының киләсәге өсөн үҙ яуаплылығын тулыһынса аңлаған кеше.

Тормошта үҙегеҙҙе таба алырһығыҙ, тип ышанам. Иң мөһиме - яңы эштәрҙән ҡурҡмаҫҡа өйрәнеү.

Һеҙгә үҫмерҙәрсә дәртегеҙҙе һәм амбицияларығыҙҙы мөмкин тиклем оҙағыраҡ, үҙ принциптарығыҙға таянып һаҡлауығыҙҙы теләйем! Үҙегеҙҙе һаҡлағыҙ һәм бәхетле булығыҙ!

 Өфө ҡалаһы ҡала округы Хакимиәте башлығы Ратмир Мәүлиев