Өфөнөң ирекмәндәре үҙизоляцияла булған һәм хроник ауырыуҙарҙан яфаланған 65 йәштән өлкән кешеләргә аҙыҡ-түлек һәм дарыуҙар алып килеүҙә, күсмә вакцинацияны ойоштороуҙа ярҙам күрһәтеүҙе дауам итәләр. Ирекмәндәрҙең мобиль төркөмдәре көн һайын эшләй.
Ғаризалар 8-800-201-89-03, (347) 223-22-11 телефондары буйынса ҡабул ителә.
Мөрәжәғәттәр «Беҙҙең хәстәрлек» колл-үҙәгенең ҡыҙыу бәйләнешенә килә, һуңынан ҡала штабында эшкәртелә һәм ирекмәндәргә тапшырыла. Шунан һуң ирекмәндәр ғариза биреүсе менән бәйләнешкә инә, заказды аныҡлай һәм күрһәтелгән адрес буйынса кәрәк-яраҡты килтерә.
Өфөнөң Ирекмәндәр ассоциацияһы волонтер булырға теләүселәрҙе, шул иҫәптән шәхси авто менән булғандарҙы ошо мөһим йәмәғәт эшмәкәрлегенә ҡушылырға саҡыра. Ғаризаларҙы (347) 279-06-56 телефоны буйынса ҡалдырырға йәки гугл-форманы тултырырға мөмкин: https://forms.gle/TCCKke2HEHLvJYbJA.
