Бөгөн Шаҡша биҫтәһенең 78 -се һанлы мәктәбенә Рәсәй Федерацияһы Геройы Анатолий Александрович Сафроновтың исеме бирелде

-Хөрмәтле уҡытыусылар, уҡыусылар. Һеҙҙең менән бергә булыуыма сикһеҙ шатмын. Тормошта иң мөһиме -тыуған илде, ерҙе яратыу. Мин һеҙҙең һәр берегеҙҙең илдең ышаныслы вәкилдәре булып үҫеүегеҙҙе теләйем, тине үҙенең сығышында Анатолий Александрович.
Тантаналы сарала шулай уҡ Рәсәй Геройының әсәһе - Лидия Алексеевна Сафронова һәм синыфташтары ҡатнашты. Сара һуңында 78-се муниципаль белем биреү үҙәгенә таҡтаташ ҡуйылды. Унда түбәндәге һүҙҙәр яҙылған: “Был мәктәптә 1966-1976 йылдарҙа Рәсәй Федерацияһы Геройы, РФ атҡаҙанған хәрби летчигы, авиация генерал-майоры Сафронов Анатолий Александрович уҡыған”.