14 ғинуарҙа ҡаланың муниципаль ойошмаларының автопаркы 11 яңы техника менән тулыланды. Ҡала райондарының төҙөкләндереү буйынса муниципаль бюджет учреждениеларына яңы 6 «МТЗ» тракторы һәм 5 снегопогрузчик өҫтәлде.
- Яңы тракторҙарҙа өҫтәмә шнекоротор, щетка һәм башҡа кәрәкле ҡорамалдар бар, - тине Өфө Хакимиәтенең коммуналь хужалыҡ һәм төҙөкләндереү идаралығы начальнигы урынбаҫары Илнур Идиятуллин.
Уның мәғлүмәте буйынса, февраль уртаһына ҡала коммуналь хеҙмәте автопаркы 55 яңы коммуналь техника менән тулыланасаҡ.
Билдәләп үтәбеҙ, 9 ғинуарҙа ҡаланың коммуналь автопаркына 7 кесе погрузчик, 10 ғинуарҙа 4 самосвал һәм декабрь аҙағында 6 автовышка өҫтәлде.
Иҫегеҙгә төшөрәбеҙ, ҡала торлаҡ-коммуналь хеҙмәтенең матди-техник базаһын нығытыу Башҡортостан Республикаһы Башлығы Радий Хәбиров һәм ҡала Хакимиәте ярҙамында тормошҡа ашырыла.
