19.03.2019
987
Яҙ көнө тәүлек температура айырмалары, ирегән ҡар һыуҙары һәм тығыҙ автомобиль хәрәкәте баш ҡала юлдарына аяуһыҙ. Юлдарҙа соҡорҙар һәм емереклектәр барлыҡҡа килә. Соҡорҙарға асфальт һылып сығыу – сезон алмашынған осорҙағы ваҡытлыса сара.
Һәр кемдең баш ҡала юлдарындағы хәүефле урындар тураһында хәбәр итеү мөмкинлеге бар. Бының өсөн Баш ҡала Хакимиәте сайтында эшләп килгән Интерактив карта сервисын файҙаланырға була.
Үткән аҙнала Киров районы биләмәһендәге 53 соҡор тураһында хәбәр алынған. Был хәбәрҙәр буйынса 26 урында ремонт эштәре башҡарылған да инде. 14 соҡорҙо райондың коммуналь хужалығы эшсәндәре тиҙ арала ямарға тейеш.
Пугачев, Зәки Вәлиди, Киров, Мөбәрәков урамдарындағы соҡорҙар ремонтланған. Автомобиль хәрәкәтен туҡтатмаҫ өсөн бар эштәр ҙә төнөн башҡарыла.
