Республика халҡы 10 сентябрь Башҡортостан Республикаһы VII саҡырылыш Дәүләт Йыйылышы - Ҡоролтайына депутаттар һайланы.
859 кандидат араһында иң лайыҡлы 110 мандатты халыҡ тауыш биреп билдәләне. Орджоникидзе районында бер мандатлы округ һайлауҙары буйынса Руфина Шаһапова менән Салауат Харасов күпселек тауыш алды. 14 сентябрҙә район хәкимиәтендә территориаль һайлау комиссияһы ултырышында уларға тантаналы рәүештә танытма (таныҡлыҡ) бирелде.
Территориаль һайлау комиссияһы рәйесе Андрей Кузнецов депутаттырға эштәрендә уңыштар теләп документтарҙы тапшырҙы.
“Депутат дәрәжәһе ҙур яуаплылыҡ. Районда, ҡалала, республикала йәшәүселәр алдында яуаплыһығыҙ, — тине район хәкимиәте башлығының беренсе урынбаҫары Зәкир Гиләзов. – Хәҙер һеҙҙең төп бурысығыҙ — уларҙың ышанысын аҡлау.”
Хәтерегеҙгә төшөрәбеҙ, VII саҡырылыш Башҡортостан Республикаһы Дәүләт йыйылышы — Ҡоролтай составына 110 депутат инә. Тулы исемлек менән бында танышырға мөмкин.
