30 йыллыҡ тарих!

Бөгөн, 11 февралдә, 128-се мәктәптә 30 йыллыҡ юбилейын байрам итеү тантанаһы уҙҙы. 128-се мәктәп - ул 1992 йылда үҙ эшен башлаған учреждение.
1993 йылдың 11 ғинуарында Осоусылар урамы, 8/2 адресы буйынса 128-се мәктәп үҙ уҡыусыларына ишектәрен асты. Һәм шул ваҡыттан алып ҡыҙыҡлы мәктәп тормошо башлана. 
Байрам башланыр алдынан белем биреү учреждениеһы фойеһында мәктәп эшләй башлағандан алып эшләүсе бөтә уҡытыусылар составы йыйылды. Уҡыу йылдарын ҙур теләк менән иҫкә алған һәм остаздары менән осрашҡан мәктәпте тамамлаусылар ҙа ситтә ҡалманы.
Был мөһим ваҡиға айҡанлы тантаналы сарала Башҡортостан Республикаһы Дәүләт Йыйылышы - Ҡоролтай депутаттары Владимир Нагорный һәм Евгений Романчиков, Өфө ҡалаһының Ленин районы хакимиәте башлығы урынбаҫары Мирхәт Ҡаҙарғолов, Өфө ҡалаһының Ленин районы хакимиәтенең гуманитар һәм социаль мәсьәләләр буйынса идаралығы начальнигы Венера Ғафарова, юғары профессиональ белем биреү учреждениелары вәкилдәре, Ленин районы мәктәптәре директорҙары, мәктәп коллективы, мәктәп ветерандары, мәктәпте тамамлаусылар, ата-әсәләр һәм ҡунаҡтар булды.
Мәктәп уҡыусылары сағыу һәм матур сығыштар күрһәтте.
- Йәш быуын үҫешенә ҙур өлөш индергәндәре өсөн рәхмәт әйткем килә. Мәктәп аҡыллы, шәп һәм абруйлы уҡытыусылары менән дан тота, - тип билдәләне Мирхәт Ҡаҙарғолов.
- 30 йыллыҡ эш тәжрибәһе осоронда 128-се мәктәп бик татыу һәм берҙәм коллектив менән ғорурлана ала. Уның төп бурысы - лайыҡлы быуынды тәрбиәләү һәм белем биреү, - тип ҡотланы тантаналы ваҡиға менән Башҡортостан Республикаһы Дәүләт Йыйылышы - Ҡоролтайы депутаты Владимир Нагорный.
Мәктәп уҡыусылары сағыу һәм ижади номерҙар әҙерләгән. Шулай уҡ мөһим ваҡиғала ҡатнашыусыларҙың барыһы ла «Хәтирәләр кафедраһы»нда булды, унда мәктәп тормошона бәйле мөһим һәм сағыу мәлдәрҙе иҫкә төшөрҙө.
Шулай уҡ уҡытыусылар составын Өфө ҡалаһы ҡала округы хакимиәтенең, Ленин районы хакимиәтенең, Өфө ҡалаһының Ленин районы хакимиәтенең, Ленин районы хакимиәтенең гуманитар һәм социаль мәсьәләләр буйынса идаралығының һәм 128-се урта дөйөм белем биреү учреждениеһы хакимиәтенең рәхмәт хаттары менән бүләкләү тантанаһы үтте.