Р.Т.Бикбаев исемендәге 102-се башҡорт гимназияһында "Милли кейем-халыҡ мираҫы" тигән класс сәғәттәре үтте

Был дәрестәрҙә балаларҙы төрлө халыҡтарҙың милли кейемдәре  менән таныштырҙылар.Был көндө уҡыусылар ҙа,  уҡытыусылар ҙа милли кейемдә килделәр. Гимназия китапханасыһы Гарифуллина Илзирә Ришат ҡыҙы төрлө китап- журналдарҙан мауыҡтырғыс күргәҙмә әҙерләне. 
   Уҡытыусылар Башҡортостан республикаһы халыҡтарының милли кейем үҙенсәлектәре тураһында һөйләнеләр. Рәсем дәресендә милли костюм элементы "селтәр"ҙе төшөрөргә өйрәнделәр, тәнәфес ваҡытында "Бейеү донъяһы" тигән уйын уйнанылар. 
- Милли кейем көнөндә уҡыусылар ихлас ҡатнашты. Бындай саралар патриотик һәм рухи тәрбиә бирә- тип әйттеләр мәктәптә.