09.09.2022
126
9 сентябрь - Милли кейем көнө. Ошо көн уңайынан Өфө ҡалаһы Совет районының белем биреү ойошмаларында төрлө саралар ойошторолдо.
Уҡыусылар өсөн оҫталыҡ дәрестәре, видеолекциялар, күргәҙмәләр, презентациялар уҙғарылды.
Һуңғы йылдарҙа халҡыбыҙҙа милли асылыбыҙға ҡайтыуға, милли кейемдәребеҙҙе кейеүгә, милли биҙәүестәребеҙҙе тағыуға иғтибар артты. Хәҙер күптәребеҙ ҡасандыр өләсәй-инәйҙәребеҙ таҡҡан селтәр-ҡашмауҙарҙы, стилләштерелгән кейемдәрҙе кейә, уларҙы хатта байрам көндәрендә генә түгел, көндәлек тормошта ла киң ҡуллана.
