2022 йылдың 12 ғинуарында Рәми Ғарипов исемендәге 1-се республика башҡорт интернат-гимназияһында тантаналы рәүештә мәктәп уҡыусылары өсөн башҡорт теле һәм әҙәбиәте буйынса төбәк-ара олимпиадаһы башланды. 9-11 кластар араһынан Өфө ҡалаһын муниципаль этап олимпиадаһын уңышлы үткән 33 уҡыусы күрһәтте.
Олимпиаданың төп маҡсаты булып башҡорт теле һәм әҙәбиәте буйынса төплө белемле, талантлы уҡыусыларҙы асыҡлау, мәҙәни сәнғәттә мөһим урын алып торған, үҫеп килеүсе быуында башҡорт теле һәм әҙәбиәтенә ихтирам тәрбиәләү тора.
Олимпиадала ҡатнашыусылар программа линиялары буйынса ике эш төрө башҡаралар, башҡорт теле һәм мәҙәниәте буйынса викторина һорауҙарына яуап бирәләр, икенсе турында яҙма эштә тексты аңларға йәки диалог ҡорорға тейештәр. Олимпиада һөҙөмтәләре 13 ғинуарҙа ябыу тантанаһында билдәле буласаҡ.
