Яңы йылда нисек ял итәбеҙ?

Рәсәй Хеҙмәт министрлығы мәғлүмәттәре буйынса, Рәсәй, шулай иҫәптән Башҡортостан халҡы өсөн алдағы яңы йыл каникулдары теүәл ун көн дауам итәсәк.

1, 2, 3, 4, 5, 6, 8 ғинуар (Яңы йыл каникулдары) һәм 7 ғинуар (Раштыуа) -байрам көндәре тип иғлан ителде.

Йыл башында тәүге ял көндәре шәмбегә һәм йәкшәмбегә тура килә (1 һәм 2 ғинуар). Шунлыҡтан 1, 2 ғинуарҙағы байрам көндәре 3 һәм 10 майға күсерелә.

Ял көндәрен күсереү менән иҫәптә байрам оҙонлоғо былай килеп сыҡты: 2021 йылдың 31 декабренән 2022 йылдың 9 ғинуарына тиклем. 30 декабрҙә эш көнө бер сәғәткә ҡыҫҡартылмай.