28.11.2021
1599
28 ноябрҙә өфөләр «Шыршы» киноһының «Бөтә ил менән шыршы биҙәйбеҙ» исемле эпизодында ҡатнаштылар. Сара режиссёр һәм проект продюсеры Антон Богданов етәкселегендә «Торатау» Конгресс-холы янындағы майҙанда уҙҙы.
- Өфө ҡалаһын һайлау осраҡлы түгел. «Шыршы» киноһының франшизаһын экрандарға ҡайтарғас илдең бар ҡалаларына ла фильмда ҡатнашыу өсөн тәҡдимдәр таратылды. Өфө тәүгеләрҙән булып яуап бирҙе, - тип билдәләне ул.
Шулай уҡ Антон Богданов проектҡа айырым иғтибар биргәндәре өсөн ҡала халҡына һәм киң мәғлүмәт сараларына рәхмәт әйтте, изге теләктәр теләне.
Фильмды төшөрөү шулай уҡ Мәскәүҙә, Пермдә, Красноярскиҙа, Төмәндә һәм Саранскиҙа үтте. Яңы йыл комедияһының яңы өлөшө 16 декабрҙә прокатҡа сыға.
