Өфөлә халыҡ күпләп йөрөгән төрлө өлкә предприятиеларын һәм ойошмаларын тикшереү дауам итә. 8 ноябрҙә рейдтарҙа Өфө райондары хакимиәттәре башлыҡтары ҡатнашты.
Мәҫәлән, Өфөнөң Калинин районы Хакимиәте башлығы Сергей Кожевников Инорс биҫтәһендә «Акварин» сауҙа үҙәгендә талаптарҙы үтәүҙе һәм ковид инспекторының эшен тикшерҙе.
Өфөнөң Ленин районы Хакимиәте башлығы Олег Котов матурлыҡ һәм сауҙа үҙәктәрендә талаптарҙы үтәүҙе тикшерҙе.
- Тикшерелгән объекттарҙа тейешле рәүештә үткәреү режимы ойошторолған, термометрия үткәрелә, сертификаттар һәм шәхесте раҫлаусы документтар бармы-юҡмы икәне контролдә тора. Шулай уҡ инеү төркөмдәрендә кешеләр өсөн шәхси һаҡланыу саралары бар, - тип хәбәр итте ул.
Өфөнөң Дим районы Хакимиәте башлығы Айҙар Бәҙғетдинов рейд йомғаҡтары буйынса пандемияға бәйле хәлдең ярайһы уҡ көсөргәнешле ҡала тип билдәләне. Шуға күрә лә элек ҡабул ителгән ковидҡа ҡаршы сикләүҙәр һаҡлана.
- Маска, антисептик һәм QR-код - һуңғы айҙарҙа актуаль йыйыу. Күпме генә беҙ улар менән ҡулланырыбыҙ коллектив иммунитетҡа бәйле, һәм вакцинация ғына беҙгә дөрөҫ йүнәлештә хәрәкәт итергә мөмкинлек бирәсәк, - тине ул.
Үҙ сиратында, Киров районы Хакимиәте башлығы Илвир Нурдәүләтов муниципалитеттың бурысы – ул «ғәмәлдәге сикләүҙәрҙе һәр кемгә еткереү, сөнки ахыр сиктә был беҙҙең именлегебеҙ», тип иҫәпләй.
Шундай уҡ фекерен белдерҙе Өфөнөң Октябрь районы Хакимиәте башлығы Сергей Плотников.
- Коронавирус инфекцияһынан һаҡлауҙың иң яҡшы ысулы - прививка яһау һәм профилактик сараларҙы үтәүҙе дауам итеү, - тип һыҙыҡ өҫтөнә алды ул.
Көн һайын ҡалала 190-ға яҡын патруль төркөмө эшләй, улар граждандарҙың ковидҡа ҡаршы сараларҙы үтәүҙе күҙәтеүен һәм предприятиеларҙың эшенә мониторинг алып бара. Тәрбиәүи һәм административ тәьҫир саралары ҡулланыла. Бойороҡтар тапшырыла, профилактик әңгәмәләр үткәрелә һәм ҡабаттан хоҡуҡ боҙғандарға административ протоколдар төҙөлә.
Шулай итеп, 7 ноябрҙә ҡала һәм район хакимиәттәре вәкилдәре, Өфөнөң Йәмәғәт хәүефһеҙлеге үҙәге хеҙмәткәрҙәре һәм полиция хеҙмәткәрҙәре составындағы күсмә контроль төркөмдәр рейдтар барышында 1410 ойошма һәм предприятие менән танышты. Шул иҫәптән 21 объектта сикләү сараларын үтәмәү асыҡланған.
