6-10 сентябрҙә 48-се башҡорт лицейында “Милли кейемдәр көнө” аҙналығы үтте. Был сараға ярашлы эш планы төҙөлдө. Китапханала “Башҡорт халҡының милли кейеме”, ә лицейҙың 3-сө ҡатында “Милли кейемле ҡурсаҡтар” һәм “Мин – милли кейемдә” тип аталған күргәҙмәләр, “Заманса зауыҡлы милли кейем” һүрәттәр конкурстары ойошторолдо. “Биҙәктәрҙә – халҡым тарихы” темаһына класс сәғәттәре бик күңелле уҙҙы. Уҡыусыларҙың әүҙем ҡатнашыуы күңелдәрҙе күтәрҙе.
2-се а класында Идалия Роберт ҡыҙы уҙғарған“Башҡорт халҡының милли кейеме үҙенсәлектәре” тип аталған мастер – класс балалар хәтерендә оҙаҡ һаҡланыр. Шулай уҡ башланғыс класс уҡыусылары милли кейемдә башҡорт милли уйындарын уйнанылар.
Уҙғарылған саралар тураһында мәғлүмәттәр, фототһүрәттәр “ Истаграм”, “Бәйләнештә” битенә ҡуйылып барҙы.
