28.08.2021
1921
28 августа «Бөтә Өфө» ҡала телеканалында «Сәләмәт Өфө» акцияһында ҡатнашыусылар араһында приздар уйнатыуҙың өсөнсө этабы уҙҙы.
Тура эфирҙа алып барыусылар 35 еңеүсене билдәләнеләр. Улар Башҡортостандың «Йоматау», «Талҡаҫ», «Ҡарағай», «Йәшел сауҡалыҡ» һәм башҡа шифаханаларына юлламалар аласаҡ. Ярышты үткәреүҙең дөрөҫлөгөн махсус комиссия күҙәтте.
Иҫегеҙгә төшөрәбеҙ, акция 14 июлдән 20 августҡа тиклем үткәрелде. Унда «Торатау» Конгресс-холында урынлашҡан вакцинация пунктында коронавирус инфекцияһына ҡаршы прививка яһаусылар ҡатнашты. Акцияны үткәреү ваҡытында «Сәләмәт Өфө» сайтында 7200 код теркәлде.
Барлығы 86 юллама уйнатылды. Әлеге мәлдә еңеүселәрҙең күбеһе шифаханаларҙа ял итәләр.
