Өфө ҡалаһының Яңы Максимовка ҡасабаһында йәшәүселәр канализация системаһының проблемалары тураһында иҫкәрттеләр һәм ярҙам һорап мөрәжәғәт иттеләр. 3 апрелдә Өфө ҡалаһы Хакимиәте башлығы Сергей Греков Уфаводоканал менән берлектә ҡасабала һыу бүлеү мәсьәләһе буйынса кәңәшмә үткәрҙе.
Кәңәшмә барышында ҡатнашыусылар биҫтәлә һыу бүлеү системаһының тейешлесә эшләүе мәсьәләһен ҡаранылар, күрелгән саралар тураһында һөйләнеләр. Шулай уҡ хәлде урында баһалау өсөн рейд яһанылар.
Кәңәшмә һөҙөмтәләре буйынса Сергей Греков кисекмәҫтән канализация системаһын таҙартырға, техник эштәр башҡарырға, насос станцияһын комплектлаштырырға, уның эшкә һәләтлелеген тәьмин итергә, кәртәләп алырға, шулай уҡ әлеге авария хәлен ҡабат булдырмау буйынса саралар күрергә ҡушты.
