Дим мәктәбендә «Әлифба менән хушлашыу» байрамы үткәрелде

Бөгөн беҙҙең мәктәбебеҙҙә матур кисә - беренсе класс уҡыусылары өсөн “Әлифба менән хушлашыу “байрамы үтте. Әлифба ул- кескәйҙәрҙе белем доньяһына илтеүсе, хәрефтәр иленә сәйәхәт иттереүсе иң тәүге китап. Балалар Әлифба биттәре аша әкиәт иленә сәйәхәт ҡылды һәм Мәскәй әбей , Белмәҫйән менән осрашты. Кескәйҙәр әкиәт геройҙары әҙерләгән йомаҡтарға яуаптар таптылар, уйындар уйнанылар, йырҙар йырланылар һәм төрлө һынауҙар үтеп Туған тел менән осраштылар. Байрам һуңында мәктәп китиапханасыһы Ғарифуллина И.Р. беренселәрҙе байрамдары менән ҡотланы һәм китапханаға яҙылырға саҡырҙы.