23 февралдә Еңеү паркындағы Мәңгелек утҡа сәскәләр һалыу тантанаһы үтте. Сара Ватанды һаҡлаусылар көнөнә арналған ине.
Тантаналы сарала Башҡортостан Республикаһы Башлығы Радий Хәбиров, Дәүләт Йыйылышы – Ҡоролтайы рәйесе Константин Толкачев, Башҡортостан Республикаһы Хөкүмәте Премьер-министры Андрей Назаров, Өфө ҡалаһы хакимиәте башлығы Сергей Греков, депутаттар, республика һәм муниципаль хакимиәт органдары етәкселәре, курсанттар, кадеттар, хәрби-патриотик клуб вәкилдәре һәм башҡалар ҡатнашты.
Республиканың күп милләтле халҡы исеменән ул Советтар Союзы Геройҙары Александр Матросов һәм Миңлеғәле Ғөбәйҙуллин һәйкәле янындағы Мәңгелек утҡа сәскәләр һалды.
Тантанала ҡатнашыусылар һәләк булған батырҙарҙы бер минут тынлыҡ менән иҫкә алды.
Радий Хәбиров шулай уҡ Ишимбай районы яугирҙәренә арналған стелаға сәскәләр һалды.
***
Бынан тыш, Башҡортостан Республикаһы Башлығы «Десантсылар быуыны союзы» арт-объектын булдырыу проекты менән танышты. Десантсыларҙың өс быуынын һүрәтләгән һәйкәлде Еңеү паркында 2021 йылдың 2 августында ВДВ көнөндә асырға планлаштыралар.
