Кем ул «Ҡара генерал?»

Башҡортостанда тыуып үҫкән, Бөйөк Ватан һуғышы осорондағы легендар батыр, ҡыйыу разведчик, диверсант Даян Баян улы Мурзинға арналған «Кем ул “Ҡара генерал ?” исемле класс сәғәте балалар өсөн бик ҡыҙыҡлы булды. Һуғыш башланған тәүге көндән алып, Еңеү байрамына тиклем фашистар менән көрәш алып барған яҡташыбыҙ менән ғорурланмайса мөмкин түгел. Ябай ғына ауыл егетенең сит ерҙә партизандар отрядын туплай алыуы, оҫта алымдар менән немецтарға ҡаршы һөжүм алып барыуы, ни өсөн Гитлерҙың «шәхси дошманы»на әйләнеүе һәм «ҡара генерал» ҡушаматын йөрөтөүе, барыһы ла ҡыҙыҡһыныу тыуҙырҙы. Йөкмәткеле презентация һәм Д.Б.Мурзин тураһында фильм ҡарағандан һуң, уҡыусылар ҡыҙыҡһындырған һорауҙарына тулы яуаптар алды.