15.01.2021
908
Өфө ҡалаһы Ленин районының загс бүлеге мәғлүмәттәре буйынса, 2020 йылда 678 пар үҙ мөнәсәбәттәрен законлаштырған.Туйға иң күмәк мәл июндән сентябргә тиклемге осор тип билдәләнә.Уҙған йылдағы айырылышыуҙар һаны 331 акт тәшкил итә.
2020 йылда тыуыу тураһында 986 акт теркәлгән.Малайҙар ҡыҙҙарға ҡарағанда күберәк тыуған:494 малай һәм 492 ҡыҙ.Былтыр районда 9 игеҙ бала доньяға килгән.2020 йылда иң популяр булған ир-ат исемдәре: Әмир, Артем,Александр.Ҡатын-ҡыҙ исемдәре араһында киң таралған исемдәр: Арина,София,Ева,Карина.Һирәк осраҡлы булған исемдәр тип Йәмил, Юрий,Юнир,Эрнест,Николай, Ярослав,Юлиана,Эрик,Татьяна һәм Ынйы билдәләнде.
Социаль тормоштың әһәмиәтле күрһәткесе булып ғаиләләрҙә икенсе һәм унан һуңғы тыуған балалар тора.Статистика буйынса проценттар нисбәтендә ошондай күренеште күрергә мөмкин:беренсе балалар-40,41%, 40,27%-икенсе, 13,98%-өсөнсө һәм ҡалған 5,3% дүртенсе һәм унан да күберәк балаларға тура килә.
Хәҙерге ваҡытта сит ил кешеһе менән никахлашыу һирәк күренеш түгел. Сит ил граждандар менән никах һаны 2020 йылда артты, барыһы 30 никах теркәлде.
Федераль законға ярашлы,һәр граждан үҙенең исемен алыштыра ала.Был хоҡуҡ менән Өфө ҡалаһы Ленин районында 60 кеше файҙаланған.
