17 августа Өфө ҡалаһы Хакимиәте башлығы Өлфәт Мостафин «Берләшкән ҡалалар һәм урындағы власть» Бөтә донъя ойошмаһының Евразия төбәк бүлексәһе генераль секретары Расих Сәғитов менән осрашты.
Осрашыу барышында муниципалитеттың халыҡ-ара кимәлендәге хеҙмәттәшлек мәсьәләләре тикшерелде.
- Өфө башҡа ҡалалар менән бер рәттән совет составына инә. Был күренеш ҡалалар араһындағы бәйләнеште нығыта, үҙидара һәм инвестиция компаниялар араһындағы белгестәр менән эшлекле мөнәсәбәт булдыра һәм ҡаланың төрлө йәшәйеш өлкәһендәге тәжрибәләр менән алмашырға ярҙам итә, - тип билдәләп үтте Өлфәт Мостафин.
«Берләшкән ҡалалар һәм урындағы власть» Бөтә донъя ойошмаһы – ирекле халыҡ-ара ассоциациялар, союздар һәм айырым муниципаль берәмектәр берләшмәһе. Бөгөнгө көндә ойошма 1 000 ашыу ҡалаларҙы һәм донъя ассоциацияларын берләштерә. Ул 7 төбәк бүлексәләрҙән тора.
