11.08.2020
2315
Өфө агломерацияһының автомобиль юл селтәрен йүнәтеү буйынса саралар планын ғәмәлгә ашырыу дауам итә.
Шул йәһәттән «Хәүефһеҙ һәм сифатлы автомобиль юлдары» милли проекты сиктәрендә Комсомол урамын реконструкциялау эштәре бара. Проект юл селтәрен яҡшы хәлгә килтереп, юл-транспорт ваҡиғалары ҡурҡынысын кәметеүгә йүнәлтелгән.
Бөгөнгө көндә барлыҡ эштәр график буйынса башҡарыла. Монтажлау эштәре ваҡытында юлда траспорт өсөн сикләүҙәр индерелә.
- Һәҙиә Дәүләтшина бульварынан алып Галле ҡалаһы урамына тиклем асфальттың беренсе ҡаты түшәлде. Бөгөн кис Бессонов урамында транспорт хәрәкәте асыласаҡ, - тип билдәләп үтте участка начальнигы Алексей Федотов.
Комсомол урамын төҙөкләндереү эштәре 2021 йылда тамамланасаҡ.
