27.07.2020
2858
Өфөлә Ағиҙел йылғаһы ярын төҙөкләндереү сиктәрендә Воровский урамы аҫтында үткәүел асылды.
ООО «Башальянсстрой» участка етәксеһе Алексей Никитин мәғлүмәте буйынса, ремонт эштәре 2019 йылдың яҙында башланды.
- Йәйәүлеләр үткәүеле 1978 йылда асылған. Бер нисә йыл файҙаланғандан һуң авариялы хәлендә булыуына сәбәпле ул ябылған. Ағиҙел йылғаһының яр буйын Салауат Юлаев баҡсаһы менән тоташтырыр өсөн 2019 йылдың апрелендә үткәүелде ремонталға тотондоҡ, - тип билдәләп үтте ул.
Ер аҫты үткәүеле 13 видеокамера, яҡтыртыу ҡорамалдары һәм һаулыҡ мөмкинлектәре сикле граждандар өсөн күтәрелмәле платформа менән йыһазландырылған.
