19.05.2020
325
Өфө ҡалаһы Хакимиәте башлығы Өлфәт Мостафин ҡушыуы буйынса Шайморатов урамында капиталь ремонтлау буйынса комплекс эштәр атҡарылды. Эштәр урындағы халыҡ менән тығыҙ бәйләнештә барҙы.
- 1,2 километр оҙонлоҡтағы Шайморатов урамы ремонтланды. Урамда тәүҙә таш, унан һуң ике ҡатлам асфальтобетон түшәлде, - тип хәбәр итә Орджоникидзе районы Хакимиәтенең коммуналь хужалыҡ һәм төҙөкләндереү бүлеге етәксеһе Марат Заманов.
Шулай уҡ эштәр сиктәрендә урындағы халыҡ мөрәжәғәте буйынса Короленко урамында Дмитрий Донской урамынан алып Ҡуласа урамына тиклем тротуар һалынды. Уның оҙонлоғо 300 метр. Йәйәүлеләр зонаһы №80 дөйөм белем биреү мәктәбе уҡыусыларына хәүефһеҙ шарттар тыуҙырыу маҡсатында төҙөкләндерелде.
