Өфөлә 31 декабрҙән алып 5 ғинуарға тиклем «TERRA ZIMA» яңы йыл фестивале үтәсәк. Былтыр беренсе тапҡыр үткәрелгән сара үҙенә бер нисә мең баш ҡала халҡын һәм ҡунаҡтарын йыйҙы.
Фестивалде ойоштороусылар – Башҡортостан Республикаһының Туризм буйынса дәүләт комитеты, Өфө ҡалаһы ҡала округы Хакимиәте, «Аркада» идара итеү компанияһы, «Ҡунаҡһарай» сауҙа комплексы.
Быйыл фестиваль ике майҙансыҡта урын аласаҡ - «Ҡунаҡһарай» сауҙа комплексы алдындағы майҙанда һәм «Ҡашҡаҙан» мәҙәниәт һәм ял паркында. Сарала ҡатнашыусылар өсөн ҙур күңел асыу программаһы ҡаралған.
Фестивалдең иң көтөлгән сараһы - Башҡортостандың һәм Татарстандың популяр башҡарыусыһы Elvin Grey - Радик Юлъяҡшиндың концерты. Йырсы үҙ командаһы менән 31 декабрҙән 1 ғинуарға ҡарай сығыш яһаясаҡ.
«Ҡунаҡһарай» сауҙа комплексы иртәнге сәғәттәргә тиклем асыҡ була, теләүселәр өсөн эҫе эсемлектәр һәм байрам тәмлекәстәре тәҡдим ителәсәк.
Башлана сәғәт 23.00.
