22.12.2019
2987
21 декабрҙә Өфөлә Ростовская урамы, 18 адресы буйынса яңартылған «Грациоза» нәфис гимнастика спорт үҙәге асылды.
800 квадрат метрлы майҙанда өс зал урынлашҡан. Улар күнекмәләр яһау өсөн бар нимә менән дә йыһазландырылған, шулай уҡ сисенеү-кейенеү бүлмәләре, тренерҙар бүлмәһе бар.
Элек был урында төҙөлөш комбинаты урынлашҡан булған. Реновация барышында биналарҙың байтаҡ өлөшө күнекмәләр яһау, ярыштар үткәреү өсөн йыһазландырылған. Бөгөн был бюджеттан тыш сараларға төҙөлгән спорт комплексы биләмәһендә мини-футбол, волейбол, баскетбол, кроссфит һәм һауа акробатикаһы буйынса күнекмәләр өсөн майҙансыҡтар тупланған һәм скалолазание үҙәге эшләп килә.
