2019 йылдың 31 декабренән 2020 йылдың 5 ғинуарына тиклем Өфөлә икенсе тапҡыр «TERRA ZIMA» фестивале уҙасаҡ.
Фестивалде ойоштороусылар - «Аркада» идара компанияһы, Башҡортостан Республикаһының туризм буйынса Дәүләт комитеты, Өфө ҡалаһы Хакимиәте һәм башҡалар.
Алты көн дауамында «Ҡунаҡ һарайы» сауҙа-эш комплексы һәм «Ҡашҡаҙан» мәҙәниәт һәм ял паркы биләмәһендә өфөлөләр һәм баш ҡала ҡунаҡтары өсөн ҡышҡы төрлө күңел асыу саралары тәҡдим ителәсәк.
Был фестиваль балалар өсөн генә түгел, ә ата-әсәйҙәр, йәштәр һәм башҡалар өсөн дә ҡыҙыҡлы буласаҡ. Элвин Грейҙың һәм уның командаһының концерты, Рәсәй халыҡтарының ҡышҡы милли уйындары, Эльбрус Ниғмәтуллиндан шоу, «Собака – улыбака» дог – шоуы, Башҡорт дәүләт опера һәм балет театрынан Яңы йыл сюрпризы һәм башҡа ҡыҙыҡлы һәм мажаралы саралар планлаштырыла.
«TERRA ZIMA» фестиваленең тулыраҡ программаһы менән сайтта танышырға мөмкин.
Ҡала халҡын һәм ҡунаҡтарын был матур байрамға саҡырабыҙ!
