Бөгөн Өфө ҡалаһы делегацияһы ағзалары Ҡазандың Киров һәм Мәскәү райондарының яңартылған объекттарын ҡараны. Делегация Өфө ҡалаһы ҡала округы Хакимиәте башлығы урынбаҫары Рөстәм Ғәзизов етәкселегендә булды.
Улар «Батыр» дзюдо үҙәгендә һәм «Мәскәү» мәҙәни-күңел асыу үҙәгендә булдылар, унда социаль объекттарҙы реновациялау концепцияһы, шулай уҡ Урицкий исемендәге парк менән таныштылар.
Шулай уҡ Ҡазандың Киров һәм Мәскәү райондары Хакимиәте башлығы Сергей Миронов менән осрашыу үтте.
Киров һәм райондары Мәскәү Хакимиәтендә рецепция зонаһының, музей киңлегенең һәм оператив штабтың нисек ойошторолоуын күрһәттеләр. Бында уҡ Сергей Миронов ҡала үҫеше концепцияһын тәҡдим итте, райондар биләмәһен комплекслы үҫтереүгә яҡын килеүҙәре тураһында һөйләне.
Осрашыуҙа ҡатнашыусылар ихаталарҙы төҙөкләндереү, Юдино биҫтәһе биләмәһен үҫтереү, арт-объекттар булдырыу һәм дөйөм алғанда уңайлы ҡала мөхитен булдырыу буйынса ғәмәлгә ашырылған проекттар тураһында фекер алыштылар. Территориаль-ижтимағи үҙидаралар менән эш итеү, шулай уҡ мәғариф мәсьәләләре Өфө делегацияһында айырыуса ҙур ҡыҙыҡһыныу уятты.
- Һөҙөмтәле осрашыу өсөн ҙур рәхмәт һүҙҙәрен еткерәбеҙ. Ҡала үҫеше өсөн бына тигән өлгө, күрһәтмә объекттар. Беҙ ҙә һеҙҙең кеүек үк «барыһы ла халыҡ өсөн» тигән эш принцибы менән эшләйбеҙ. Ҡабул итеүегеҙ өсөн рәхмәт, - тине Рөстәм Газизов.
