17.11.2019
670
14 ноябрҙән алып 17 ноябргә тиклем Башҡорт дәүләт аграр университетында Һуғыш сәнғәте буйынса икенсе Евразия йәштәр уйындары үтте. Ярыштарҙа Ҡаҙағстандан, Ҡырғыҙстандан, Латвиянан, Үзбәкстандан, Төркмәнстандан, Таджикистандан, Азербайджандан, Армениянан, Белоруссиянан һәм Рәсәйҙән 500 ашыу спортсылар ҡатнашты.
Сара сиктәрендә 8 спорт төрө буйынса, атап әйткәндә, айкидо, тай боксы, самбо, кикбоксинг, ҡул һуғышы, һәр төрлө карате, тэквондо һәм билбау көрәше буйынса ярыштар үтте.
Турнирҙа еңеүселәр диплом һәм миҙалдар менән бүләкләнде һәм Мәскәүҙә декабрҙә үткәреләсәк финал этабында ҡатнашыу хоҡуғын алды.
