22.09.2019
538
Ошо көндәрҙә 101-се мәктәптең башланғыс класс уҡыусылары “Красноусол” шифаханаһына сәйәхәткә барҙылар. Ул Ғафури районы үҙәге Красноусол касабаһы эргәһендә урынлашҡан. Шифаханан алыҫ түгел ерҙә Красноусол минерал һыу сығанаҡтары урғылып ята. Уның һыуы дауалауҙа киң ҡулланыла. Был уникаль һыу сығанаҡтары эргәһендә ололар менән бер рәттән балалар өсөн дә төҙөлгән шифаханаларҙың мөһәбәт биналары тирә яҡҡа йәм биреп тора. Балалар Башҡортостандың ете мөғжизәһенең береһен күреп ҡыуандылар, минерал сығанаҡтарҙың һыуын да тәмләп ҡаранылар.
Артабан уҡыусылар страус фермаһына юл тоттолар. Фермала ҡара африка страустарынан башҡа эму, лама, як, ҡоралай, Аҡтау исемле аҡ дөйә һәм төньяҡ боландары ла йәшәй икән. Балаларға ферма йәнлектәрен иркәләп-һөйөргә лә, икмәк менән һыйларға мөмкинселек бирелде. Фермалағы таҙалыҡ, хайуандарға ҡарата ыңғай мөнәсәбәт уҡыусыларҙа яҡшы тәьҫир ҡалдырҙы.
Ғафури яҡтарына ҡылған сәйәхәт фәхемле лә, файҙалы ла булды. Гүзәл Башҡортостаныбыҙ буйлап ойошторолған ошондай сәйәхәттәр йышыраҡ булһын ине!
