19 сентябрҙә Башҡортостан Республикаһы буйынса Роспотребнадзор идаралығы «Эшҡыуарҙар өсөн асыҡ ишектәр көнө» акцияһында ҡатнашырға саҡыра.
Акция эшҡыуарлыҡ берләшмәһе менән мәғлүмәт сәйәсәте эштәре буйынса сараларҙы тормошҡа ашырыу маҡсатында үткәрелә һәм санитар - эпидемиологик өлкәһендә халыҡтың грамоталылығын арттырыуға йүнәлтелгән.
Сарала эшҡыуарҙар тикшереүҙәр үткәреү тәртибе, ҡулланыусылар хоҡуҡтарын яҡлау өлкәһендә мотлаҡ санитар-эпидемиологик, төрлө техник регламенты талаптарын, норматив хоҡуҡи акттар һәм башҡа мәғлүмәт менән таныша алалар.
Бизнес-берләшмәләренең вәкилдәре өсөн консультатив ярҙамдарпланлаштырылған. Улар ҡыҙыҡһындырған һорауҙарға компетентлы белгестәр яуап бирәсәк.
Сара Башҡортостан Республикаһы буйынса Роспотребнадзор идаралығында – Рихард Зорге урамы, 58 адресы буйынса, үтәсәк.
Башлана: 12.00 сәғәттә.