06.09.2019
433
Быйыл Өфө ҡалаһында «Хәүефһеҙ һәм сифатлы автомобиль юлдары» милли проекты сиктәрендә оҙонлоғо 47 километрҙан ашыу булған 28 участка юл селтәрҙәрен ремонлау эштәре планлаштырылған. Бөгөн 17 объектта ремонт эштәре алып барыла, 11 – тамамланған.
Ремонт эштәре барған объекттарының береһе – Рязань урамы. Унда Октябрь проспектынан алып Шәфиев урамына тиклем 940 метр тәшкил иткән участкала ремонт эштәре ҡайнай.
Ремонт үткәреү тәртибе буйынса иҫке юл япмаһы сиселде, асфальтобетон түшәлде. Хәҙерге ваҡытта борт таштарының демонтаж һәм монтаж эштәре алып барыла. Контракт буйынса эштәр быйыл көҙ, 30 сентябрҙә, тамамланырға тейеш.
