12.04.2019
935
Һәр кемдең баш ҡала юлдарындағы хәүефле урындар тураһында хәбәр итеү мөмкинлеге бар. Бының өсөн Баш ҡала Хакимиәте сайтында эшләп килгән Интерактив карта сервисын файҙаланырға була. Был мөмкинлектәр хәҙер тағы ла киңәйҙе. Юлдағы соҡор тураһында хәбәр итеү процедураһы ябайлаштырылды. Өҫтәүенә “Юл эксперты” кеҫә телефондары өсөн ҡушымтаны ла файҙаланып була.
Бер ай эсендә Киров районы биләмәһендәге 500 соҡор тураһында хәбәр алынған. Был хәбәрҙәр буйынса 250 урында ремонт эштәре башҡарылған да инде. 250 ашыу соҡорҙо райондың коммуналь хужалығы эшсәндәре тиҙ арала ямарға тейеш. Дим, Ҡараиҙел, Зәйнәп Биишева урамдарындағы, Менеделеев, Зәйнулла Рәсүлев, Генерал Горбатов урамдарындағы йорт араларында соҡорҙар ремонтланған. Автомобиль хәрәкәтен туҡтатмаҫ өсөн күп эштәр төнөн башҡарыла.
