Өфөлөләрҙе «Сәләм, студент!» байрамына саҡыралар

6 һәм 7 сентябрь көндәре Өфөлә байрам саралары үтәсәк.

6 сентябрҙә Салауат Юлаев исемендәге майҙанда байрам сараһы брейк-данс чемпионаты менән башланасаҡ. Унан һуң киске сәғәт 18.00 КВН уйынының Йәйге Кубогы үткәрелһә, сәғәт 21.00 байрам ҡунаҡтарын бейеүҙәр һәм билдәле кавер-төркөмдәренең сығыштары көтә. Шулай уҡ сарала ВИА ЧАППА төркөмө сығыш яһаясаҡ.

7 сентябрь көнө шул уҡ майҙанда «Сәләм, студент!» исемле байрам үтәсәк. Тамашасылар өсөн киске сәғәт 18.00 сәғәт 22.00 тиклем танылған башҡорт эстрадаһы йондоҙҙары сығыш яһаясаҡ. Сара аҙағында бәхетле бер тамашасы мотоцикл менән бүләкләнәсәк.