“Һаумы, һаумы, әкиәт!”

29 майҙа Мәжит Ғафури исемендәге Башҡорт дәүләт академия драма театрында Донъя халыҡтары әкиәттәрен башҡортса һөйләүселәрҙең “Һаумы, һаумы, әкиәт!” төбәк-ара конкурсының Гала концерты үтте. Конкурс еңеүселәре ете номинация буйынса көс һынашты: әкиәтте яттан һөйләү, әкиәтте фольклор коллективтары һәм ғаилә менән сәхнәләштереү, йәнһүрәттәр һәм анимацион фильмдар әҙерләү, күргәҙмәләр эшләү, әкиәт геройҙары костюмдарын күрһәтеү, әкиәттәр ижад итеү. Бәйгелә 102-се башҡорт гимназияһының 1-се класс уҡыусыһы Ғайсарова Эмилия “Әкиәтте яттан һөйләү” номинацияһында 3-сө урын (етәксеһе Аднасурина Ә. Э.), ә Хужәхмәтова Гөлсиә Фәрит ҡыҙының 3 А класы уҡыусылары «Әкиәтте сәхнәләштереү» номинацияһында – 2-се урын яуланылар. Еңеүселәргә һәм уларҙың етәкселәренә киләсәктә лә ижади ҡомар, ҙур уңыштар юлдаш булһын.