Яңы фонтан буласаҡ

Фонтанды сәғәт формаһында эшләргә йыйыналар, ундағы һыу төрлө бейеклектән атылып ағасаҡ. Ҡорамал бик үҙенсәлекле булмаҡсы - яңы фонтан ярҙамында кешеләр сәғәттәрен дөрөҫләй аласаҡ. Шулай уҡ яңы фонтанды төрлө уттар менән дә йыһазландырырға планлаштырылған, кисен улар ярҙамында тотош майҙан яңы төҫтәр менән балҡыясаҡ. Объектты "Уралагротехсервис" яуаплылығы сикләнгән йәмғиәте төҙөй, эштәр графикка ярашлы алып барыла. Әлеге ваҡытта уны электр менән тәьмин итеү, фонтан аҫтына коллекторҙар монтажлау, бетонлау эштәре тамамланған.