Юл хаталарҙы ғәфү итмәй

Ләкин онотмаһаҡ ине - көҙ менән ҡыш алышынған мәлдәрҙә юлдар айырыуса хәүефле, көтөлмәгән проблемалар сығыуы бар. Иртән асфальтты йоҡа ғына боҙ ҡаплай, томан төшә, етмәһә, автотранспорттың да ҡышҡылыҡҡа әҙер булмауы ихтимал, йыш ҡына уларҙың юлдарға ҡышҡы шинаһыҙ сығыуы күңелһеҙ һөҙөмтәләргә килтерә. Юл-транспорт фажиғәләренең йышайыуы сәбәпле, ҡала халҡын юлдарҙа айырыуса иғтибарлы булырға өндәйбеҙ. Һәр ваҡыт иҫтә тоторға кәрәк; юл хәрәкәте хәүефһеҙлеге өсөн водителдәр ҙә, йәйәүлеләр ҙә яуап бирә. Машиналарҙы ҙур тиҙлектә ҡыуыу, ҡулайлаштырылмаған урындарҙа юл аша сығыу - ҙур хата. Ғүмер кешегә бер генә тапҡыр бирелә, уны юл хәрәкәте ҡағиҙәләрен үтәргә теләмәү арҡаһында ғына юғалтырға йәки зәғиф ҡалырға теләүселәр юҡтыр, шуға ла юлдарҙа фажиғәләр булдырмаҫҡа тырышыу - һәр кем алдына ҡуйылған бурыс. Үҙегеҙҙе һәм яҡындарығыҙҙы һаҡлағыҙ!