17.07.2018
1181
Бөгөн оператив кәңәшмә барышында Башҡортостан Республикаһы Өфө ҡалаһы ҡала округы хакимиәте башлығының беренсе урынбаҫары Салауат Хөсәйенов етәкселегендә мәғариф учреждениеларында капиталь ремонт мәсьәләләре тикшерелде.
Быйыл төҙөкләндереү 38 учрежденияла үтәсәк. Ремонтҡа сарыф ителгән дөйөм сумма 40 млн һум тәшкил итә.
Ремонт ваҡытында бинаны йылытыу, тәҙрәләрҙе алмаштырыу кеүек эштәр башҡарыла. Бөгөнгө көнгә17 учрежденияла эштәр тамамланған. 10 августҡа тиклем бар учреждениеларҙа ла капиталь ремонт тамамланырға тейеш.
Капиталь ремонт эшенән тыш, бар учреждениеларҙа ағымдағы төҙөкләндереү үтә. Мәғариф учреждениеларын яңы уҡыу йылына ҡабул итеү 1 августтан алып 20 августҡа тиклем ҡабул ителәсәк.
